Hazırda həm qlobal səviyyədə, həm də ölkəmizdə qadın sahibkarlığının çəkisinin artması müşahidə edilir, qadınlar kiçik biznes yaratmağa, özünüməşğulluğa getdikcə daha çox maraq göstərirlər.
Banker.az Kiçik və Orta Biznesin İnkişafı Agentliyinə istinadən xəbər verir ki, statistikaya əsasən fərdi sahibkarların 21%-dən çoxunu qadınlar təşkil edir və iqtisadi inkişafda qadınların aktivliyi artan dinamika ilə davam edir.
Agentlikdən bildirilib ki, qadın sahibkarların daha çox fəaliyyət göstərdiyi sahələrdən biri də aqrar sektordur və bu baxımdan qadınlar kənd təsərrüfatının inkişafında mühüm rola malikdirlər.
