“Qala Sığorta” “Aqrolizinq”in avtomobillərini sığortalayacaq

“Aqrolizinq” ilə “Qala Sığorta” müqavilə imzalayıb.

Banker.az xəbər verir ki, müqavilədə “Aqrolizinq” Açıq Səhmdar Cəmiyyətinə məxsus nəqliyyat vasitələrinin kasko sığortası xidmətinin satınalınması nəzərdə tutulub. Müqavilənin məbləği 8 min 679 manatdır.

Bildirək ki, “Aqrolizinq” ASC 2004-cü ilin oktyabr ayında təsis edilib və Kənd Təsərrüfatı Nazirliyinin strukturuna daxildir.

2015-ci il sentyabrın 30-da “AzReTəkrarsığorta” şirkəti “Chartis Azerbaijan” sığorta şirkətinin səhmlərinin 100%-nin $6,5 milyona alınmasına dair sövdələşməni başa çatdırıb. Bununla əlaqədar “Chartis Azerbaijan” şirkətinin adı dəyişdirilərək “Qala Sığorta” adlandırılıb. Şirkətin nizamnamə kapitalı 8 milyon 50 manatdır.