17 C
Baku
Tuesday, July 5, 2022

Qarabağda biznesin inkişafına dair 1100-ə yaxın müraciət daxil olub

Kiçik və Orta Biznesin İnkişafı Agentliyi (KOBİA) tərəfindən həm Qarabağın iqtisadi potensialının beynəlxalq müstəvidə tanıdılması, həm də işğaldan azad edilmiş ərazilərdə biznes qurmaq istəyən sahibkarlıq subyektlərinin müraciətlərinin toplanması istiqamətində işlər davam etdirilir.

Bunu “İqtisadiyyatın inkişafında sahibkarlığın rolu” adlı konfransda çıxış edərkən Agentliyin idarə heyətinin sədri Orxan Məmmədov deyib.

Onun sözlərinə görə, bu günədək KOBİA-ya təqribən 1100-ə yaxın müraciət daxil olub ki, onların 390-a yaxını xarici şirkətlərdən olan müraciətlərdir.

“Qarabağ bölgəsinin işğaldan azad edilməsi də ölkəmizdə bizneslərin inkişaf üçün əlavə mənbələr açmış oldu. Hamımız üçün bəllidir ki, Qarabağ ərazisi zəngin təbii və faydalı resurslara malik bir yerdir. Regionun turizm, kənd təsərrüfatı, aqrar-emal, xalq sənətkarlığı və s. kimi ənənəvi iqtisadi sektorlarının yenidən canlandırılması və xarici bazarlara çıxarılması böyük perspektivlər vəd edir.”,- deyə Orxan Məmmədov qeyd edib.

MənbəApa
Son xəbərlər
Oxşar xəbərlər