“Azərbaycan Banklar Assosiasiyası” (ABA) İctimai Birliyinin ekspertləri Şuşaya səfər edərək işğaldan azad olunmuş ərazilərdə innovativ maliyyə-bank xidmətlərinin göstərilməsini müzakirə edib.
Bu barədə ABA məlumat yayıb.
Məlumata görə, səfər çərçivəsində bank mütəxəssisləri həmçinin Şuşanın tarixi memarlıq abidələrini ziyarət edib, onlara şəhərin tarixi-mədəni irsi ilə bağlı məlumat verilib.
ABA-nı 1990-cı ildə kommersiya bankları təsis edib. Əsas məqsəd üzv-təşkilatları təmsil etmək, onların müxtəlif işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdir. Hazırda 25 bank və 5 qeyri-bank təşkilatı ABA-nın üzvüdür.
