Ermənistan üçtərəfli razılaşmaları icra etsə, heç bir aqressiya ilə üzləşməyəcək.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə “Azərbaycan tərəfindən Ermənistana aqressiya olacağı təqdirdə Rusiya Ermənistana hərbi yardım göstərəcəkmi?” sualına cavabında bildirib.
“Bunun olmaması üçün münaqişə zonasında, mən buna nizamlanma zonası deməyi üstünlük verirəm, Rusiya sülhməramlıları mövcuddur. Məhz bunun üçün Rusiya tərəfləri imza atdıqları sənədi icra etməyə çağıraraq öz vasitəçi rolunu həyata keçirir”, deyə Rusiya XİN sözçüsü vurğulayıb.
