4 C
Baku
Tuesday, February 27, 2024

Qazaxıstan BTC ilə 1.5 mln. ton neft nəql edə bilər

Qazaxıstan gələn ildən Bakı-Tbilisi-Ceyhan boru kəməri ilə ildə 1.5 mln. ton neft nəql etməyə başlamağı planlaşdırır.

Bu barədə cümə axşamı jurnalistlərə respublikanın baş naziri Alixan Smailov məlumat verib.

“Xüsusən, indi Bakı-Tbilisi-Ceyhan vasitəsilə bizim gələn il yanvarın 1-dən bu istiqamətdə 1.5 mln. ton neft göndərilməsi ilə bağlı razılaşmamız var və onun 6-6.5 mln. tona çatdırılması üzərində iş gedir”, – deyə o bildirib. .

Onun sözlərinə görə, Qazaxıstanda neft ixracının şaxələndirilməsi çərçivəsində xüsusi yol xəritəsi hazırlanıb. İstiqamətlər sırasında Bakı-Tbilisi-Ceyhan, Bakı-Supsa boru kəmərlərləri, Atıraudan Batumi və Özbəkistana dəmir yolları və Çin var.

“Bütün bu istiqamətlərdə hazırda neft ixracı potensialının genişləndirilməsi və artırılması sahəsində işlər aparılır”, – Alixan Smailov qeyd edib.

MənbəApa
Son xəbərlər
Digər xəbərlər