Qazaxıstan Milli Bankı proinflyasiya risklərinin azalması fonunda baza dərəcəsini illik 16.75%-dən 16.5%-ə endirib, tənzimləyicinin mətbuat xidməti xəbər verir. Bu, Qazaxıstanda 2020-ci ildən bəri ilk faiz endirimidir.
Tənzimləyicinin proqnozlarına görə, bu il inflyasiya 10-12% diapazonunda olacaq. ÜDM-in artımı 4.2-5.2% səviyyəsində gözlənilir. Milli Bankın baza məzənnəsi ilə bağlı növbəti qərarı oktyabrın 6-da açıqlanacaq.
Avqustun ortalarında rublun qısamüddətli çökməsi fonunda Qazaxıstan təngəsi digər dünya valyutalarına nisbətən daha ciddi şəkildə ucuzlaşıb. Təngənin ucuzlaşmasının səbəblərindən biri rublun ilkin ucuzlaşmasından sonra ixracatçıların xarici valyuta satmaq istəməməsidir. Eyni zamanda, 2022-ci ilin iyun ayının sonundan bəri təngə rubla nisbətdə demək olar ki, 90% artıb.
