Qazaxıstanda silahlı şəxs bank binasına hücum edib.
Bu barədə Qazaxıstan Daxili İşlər Nazirliyi bildirib.
Məlumata əsasən, silahlı şəxs Astanada “Kaspi” bankın binasında bir neçə şəxsi girov saxlayır.
“Polis əməkdaşları hadisə yerindədir, həmin şəxslə danışıqlar aparılır. Hüquq-mühafizə orqanlarının əməkdaşları paytaxt sakinlərindən sakit olmağı və səlahiyyətli orqanlara işlərinin görülməsinə icazə vermələrini xahiş edirlər”, – deyə nazirlikdən bildirilib.
