Qazaxıstanda məktəblilərin tətili yanvarın 17-dək uzadılıb. Kollec və universitet tələbələri üçün ikinci semestr yanvarın 24-də başlayacaq.
Banker.az xəbər verir ki, bu barədə ölkənin Təhsil Nazirliyi məlumat yayıb.
Yanvarın 2-dən Qazaxıstanda kütləvi etirazlar dayanmır. Yanacağın kəskin bahalaşması ilə əlaqədar ölkənin qərbində icazəsiz aksiyalar başlayıb, daha sonra hadisələr digər regionlara da yayılıb.
Yanvarın 5-nə keçən gecə Qazaxıstan prezidenti Kasım-Jomart Tokayev yaranmış vəziyyətə görə günahlandırdığı hökuməti istefaya göndərib. Çərşənbə günü xalqa müraciətində o, yanvarın 5-dən ölkənin Təhlükəsizlik Şurasına rəhbərlik edəcəyini açıqlayıb.
