İğtişaşlar nəticəsində Qazaxıstanda kiçik və orta biznes nümayəndələrinə 100 mlrd. tengedən (232 mln. ABŞ dollarından artıq) çox ziyan dəyib.
TASS verdiyi məlumata görə, bunu Qazaxıstan Prezidenti Kasım-Jomart Tokayev hökumətin geniş iclasında deyib.
“Yanvar hadisələri həyatımızı kökündən dəyişdirdi. İğtişaşlar səbəbindən bir çox qazaxıstanlılar zərər çəkib. Kiçik və orta sahibkarlar itki ilə üzləşib. Son məlumatlara görə, biznesə 100 milyard tengədən çox ziyan dəyib”, – Tokayev qeyd edib.
Onun sözlərinə görə, yeni hökumətin qarşısında ölkə iqtisadiyyatının sabitləşdirilməsi və inflyasiyanın azaldılması vəzifəsi durur.
