Qazaxıstanın “FlyArystan” loukoster aviaşirkəti Aktau-Bakı marşrutu ilə aviareyslərini həyata keçirməyə başlayacaq.
Bu barədə şirkət məlumat verir.
Uçuşların aprelin 1-dən işə düşməsi planlaşdırılır. Reyslər həftədə iki dəfə, cümə və bazar günləri həyata keçiriləcək.
Qeyd edək ki, 2018-ci ildə təsis edilən “FlyArystan” Qazaxıstanın ilk loukoster aviaşirkətidir.
