Qazaxıstanın müdafiə naziri Nurlan Yermekbayev istefa verib.
Banker.az “RİA Novosti”yə istinadən xəbər verir ki, bu barədə ölkə başçısının mətbuat katibi Berlik Uali bildirib.
Xatırladaq ki, avqustun 26-da Qazaxıstanın Müdafiə Nazirliyi Jambıl vilayətində mühəndis sursatının saxlandığı hərbi hissənin anbarında yanğının baş verdiyini açıqlayıb. Verilən məlumata görə, ən azı on partlayış olub. Hadisə nəticəsində 100-ə yaxın zərərçəkən xəstəxanaya yerləşdirilib, onlardan 15-i ölüb.
Yermekbayev Qazaxıstanın Jambıl vilayətindəki silah-sursat anbarında baş verən partlayışlardan sonra istefa verməyə hazır olduğunu bildirib.
