2025-ci ilin ilk 9 ayında Azərbaycana gələn Mərkəzi Asiya ölkələri turistlərinin sayı artıb.
Banker.az Dövlət Statistika Komitəsinə istinadən xəbər verir ki, bu dövrdə regiondan ümumilikdə 116 933 nəfər turist gəlib, bu da 2024-cü ilin eyni dövrü ilə müqayisədə 5,5% artım deməkdir. 2024-cü ildə 110 651 nəfər turist gəlmişdi.
Lakin xərclər azalaraq 128,4 milyon manatdan 123,4 milyon manata düşüb. Yəni, xərclərdə 3,9% azalma qeydə alınıb.
Beləliklə, Mərkəzi Asiyadan gələn turistlərin sayı artsa da, adambaşına xərcləri azalıb — 2024-cü ildə orta göstərici 1 160 manat idisə, 2025-ci ildə bu rəqəm 1 055 manat olub.
Ən çox turist göndərən ölkələr Qazaxıstan (64 393 nəfər) və Özbəkistan (26 836 nəfər) olub.
Ən çox xərcləyənlər sırasında yenə Qazaxıstan turistləri (80 milyon manat) qalır.
