Azərbaycanın xaricə satdığı qeyri neft-qaz məhsullarının həcmi öncəki illə müqayisədə 3.2% azalıb.
Bu barədə Banker.az Dövlət Statistika Komitəsinə istinadla xəbər verir.
Məlumata görə, 2021-ci ilin yanvar-fevral ayları ərzində 331.3 milyon dollar təşkil edib.
Qeyri neft-qaz məhsulları üzrə ixracın dəyərində Türkiyəyə (32.3 faiz), Rusiyaya (25.8 faiz), İsveçrəyə (10.6 faiz), Gürcüstana (8.6 faiz), ABŞ-a (4.0 faiz), Çinə (2.9 faiz), Ukraynaya (1.7 faiz), Almaniyaya (1.5 faiz), Türkmənistana (1.3 faiz), İtaliyaya (1.2 faiz), İrana (1.1 faiz), Birləşmiş Krallığa (1.0 faiz) göndərilmiş malların payı üstünlük təşkil edib.
