Azərbaycana qida məhsullarının idxalı zamanı artıq “Qida təhlükəsizliyi haqqında” Qanununa əsasən tərtib edilən idxal zamanı elektron bildiriş, Qida Təhlükəsizliyi Reyestrindən çıxarış, sağlamlıq sertifikatı, qida və yem məhsullarının təhlükəsizliyini təsdiq edən” sənədlər də tələb ediləcək.
Bununla bağlı “Gömrük sistemində islahatların davam etdirilməsi ilə bağlı əlavə tədbirlər haqqında” Azərbaycan Prezidentinin 2016-cı il 4 mart tarixli sərəncamında dəyişiklik edilib.
Dəyişikliyə əsasən qida təhlükəsizliyi qeydiyyatına alınmasına dair dövlət reyestrindən çıxarış tələbi aradan qaldırılıb.
İndiyədək ancaq ixracatçı ölkə tərəfindən əvvəlcədən verilən baytarlıq, fitosanitar, gigiyenik və digər sertifikatlar (şəhadətnamələr), qida məhsullarına münasibətdə qida təhlükəsizliyi sertifikatı, onların istehsalçılarının qida təhlükəsizliyi qeydiyyatına alınmasına dair dövlət reyestrindən çıxarış tələb edilirdi.
