31 C
Baku
Friday, July 19, 2024

Qırğızıstanda yenidən Müdafiə Nazirliyi yaradılır

Qırğızıstanda yenidən Müdafiə Nazirliyi yaradılır.

TASS-ın verdiyi xəbərə görə, bu barədə Qırğızıstan prezidenti Sadır Japarov fərman imzalayıb.

“Qırğızıstan Respublikası Müdafiə Məsələləri üzrə Dövlət Komitəsi və Silahlı Qüvvələrinin Baş Qərargahı əsasında Qırğızıstan Müdafiə Nazirliyinin yaradılması məqsədəuyğun hesab edilir”, – deyə Prezidentin mətbuat xidməti bildirib.

Qeyd edək ki, Qırğızıstanda Müdafiə Nazirliyi 1993-2015-ci illərdə fəaliyyət göstərib. Almazbek Atambayevin prezidentliyi dövründə Müdafiə Nazirliyi Müdafiə Məsələləri üzrə Dövlət Komitəsinə (MMDK) çevrilib. Həmin vaxt bütün güc və hüquq-mühafizə orqanları, o cümlədən MMDK Baş Qərargahın tabeliyinə verilib.

MənbəAPA
Son xəbərlər
Digər xəbərlər