Beynəlxalq Enerji Agentliyi (IEA) 2024-cü il üçün qlobal qaz tələbatı ilə bağlı proqnozunu açıqlayıb.
Bu barədə Agentliyin qaz bazarına dair hesabatında bildirilir.
Proqnoza əsasən, gələn il qlobal qaz tələbatı 2.5% və ya 100 mlrd. kubmetr artaraq 4.19 trln. kubmetr təşkil edə bilər.
Hesabata görə, 2024-cü ildə mayeləşdirilmiş təbii qaz (LNG) tədarüklərindəki artım məhdud olacaq və cəmi 3.5% və ya 18 mlrd. kubmetr həcmində çoxalacaq.
Qaza tələbatın artmasının sənaye, eləcə də yaşayış və ticarət sektorları üzrə istehlakdan qaynaqlanacağı gözlənilir.
