Dünyanın ən böyük smartfonlar üçün çip istehsalçısı “Qualcomm” səhmləri smartfon bazarının zəifləməsi ilə bağlı narahatlıqlar fonunda “Nasdaq” birjasında 4.6% ucuzlaşıb, bu barədə “Bloomberg” yazır. Qeyd edək ki, fevralın 5-də ticarətin bağlanışında “Qualcomm” səhmləri 175.86 dollar (+1.6%) dəyərində olub.
Daha əvvəl “Qualcomm” dekabrın 29-da başa çatan 2025-ci maliyyə ilinin birinci rübünün mənfəət nəticələrini açıqlayıb. “CNBC” qeyd edir ki, şirkətin maliyyə nəticələri gözləniləndən daha yaxşı olub. “Qualcomm”un gəliri illik müqayisədə 18% artaraq 11.67 milyard dollara çatıb.
“Qualcomm”un əqli mülkiyyətə lisenziya verən “Technology Licensing” bölməsinin 1.25-1.45 milyard dollar gəlir əldə edəcəyi gözlənilir, “Bloomberg” yazır.
Qeyd edək ki, mobil cihaz bazarı “Qualcomm” üçün ən vacib olaraq qalır, “CNBC” yazır. Telefonla əlaqəli satışlar rübdə 13% artaraq 7.57 milyard dollara çatıb. Ən sürətlə böyüyən biznes 61% artaraq 961 milyon dollara çatan avtomobillər üçün çiplər olub.
