Afrika İttifaqı hərbi çevrilişdən sonra Qvineya-Bisaunun üzvlüyünü dayandırıb.
Bu barədə “Associated Press” agentliyi xəbər verib.
Afrika İttifaqının Sülh və Təhlükəsizlik Şurası tərəfindən qəbul edilən qətnamədə deyilib ki, “Qvineya-Bisau ölkədə konstitusiya qaydası bərpa olunana qədər Birliyin, onun orqanlarının və təsisatlarının işində iştirakdan dərhal kənarlaşdırılıb”.
Sənəddə qeyd edilib ki, təşkilat konstitusiyaya zidd olaraq hakimiyyət dəyişikliyinə dözməyəcək.
Qeyd edək ki, noyabrın 27-də Qvineya-Bisaunun Qərbi Afrika Dövlətlərinin İqtisadi Birliyindəki üzvlüyü də dayandırılıb.
