16 C
Baku
Sunday, May 26, 2024

Rabitəbankın dəstəyilə keçirilən “Xilaskar” esse müsabiqəsinin qalibləri məlum olub

®Peşəkar gənc kadrların yetişdirilməsinə töhfə verən “Rabitəbank” ASC və “Azərbaycan Jurnalistlər Şəbəkəsi” İctimai Birliyinin birgə təşəbbüsü ilə reallaşan “Xilaskar” adlı esse müsabiqəsi uğurla başa çatdı. Ümummilli Lider Heydər Əliyevin 100 illik yubileyi və Rabitəbank-ın 30 illiyi çərçivəsində təşkil edilən, jurnalistika ixtisası üzrə təhsil alan tələbələr arasında keçirilən müsabiqənin qalibləri məlum oldu.

Bakı Dövlət Universitetinin, Bakı Slavyan Universitetitinin və Azərbaycan Dillər Universitetinin Jurnalistika fakültələrində təhsil alan tələbələr arasında keçirilmiş bu yarışmanın nəticələri Milli Qurtuluş Günü ərəfəsində “Rabitəbank” ASC-nin binasında baş tutan tədbirdə açıqlanıb.

Tədbirdə “Rabitəbank” ASC-nin İdarə Heyəti Sədrinin 1-ci müavini Orhan Gültekin, Mətbuat Şurasının sədri Rəşad Məcid, Mətbuat Şurasının üzvü Müşfiq Ələsgərli, əməkdar jurnalist Təranə Məhərrəmova və Azərbaycan Jurnalistlər Şəbəkəsi İctimai Birliyinin sədri Ayaz Mirzəyev çıxış edərək 1993-cü il iyunun 15-i tarixi ilə dünya Azərbaycanlılarının yaddaşına əbədi həkk olan Milli Qurtuluş Gününün əhəmiyyəti barədə fikirlərini bölüşüblər. Çıxışlarda bildirilib ki, müstəqil dövlətçiliyimizin yox olmaq təhlükəsi Azərbaycan xalqının Ümummilli Lideri Heydər Əliyevin hakimiyyətə qayıdışı ilə aradan qalxıb. Ulu Öndər öz xilaskarlıq missiyası ilə ölkəmizin müstəqilliyini qoruyub, respublikada tüğyan edən ictimai-siyasi böhranı aradan qaldırıb və inkişafın təməlini qoyub.

15 iyun – Milli Qurtuluş Gününün təntənəsi bu gün də özünü büruzə verir, müstəqil respublikamızın davamlı inkişafını təmin edir, regionda və dünyada Azərbaycanın nüfuzu daha da artır. “Xilaskar” adlı esse müsabiqəsinin əsas mövzusu da məhz bu əlamətdar tarixdir.

 

Daha sonra qaliblər mükafatlandırılıb.

1-ci yer Asya Museyibova (Bakı Slavyan Universiteti)

2-ci yer Abdinova Rəfiqə (Azərbaycan Dillər Universiteti)

3-cü yer Əsgər İsmayılov ( Bakı Dövlət Universiteti)

3-cü yer Südabə Məmmədova ( Bakı Dövlət Universiteti)

Qaliblərə pul mükafatı, xüsusi diplom və Ulu Öndər haqqında yazılmış kitablar hədiyyə olunub.

Qeyd edək ki, Rabitəbank öz sosial korporativ proqramı çərçivəsində davamlı olaraq tələbələrə dəstək olur, yetişən gənc jusrnalistlər üçün gələcək karyeralarında mühüm rol oyanacaq təcrübə qazanmaq imkanını yaradır. Bu əlamətdar tarix də bütün Azərbaycan xalqı üçün əzizdir.

rb kiv rb kiv 1 rb kiv 2 rb kiv 3 rb kiv 3 1 rb kiv 4 rb kiv 5 rb kiv 6 rb kiv 7

Son xəbərlər
 ⁠
Digər xəbərlər