Ramil Usubovun Azərbaycan Respublikasının daxili işlər naziri vəzifəsindən azad edilməsi haqqında Azərbaycan Respublikası Prezidenti sərəncam imzalayıb.
“Ramil İdris oğlu Usubov Azərbaycan Respublikasının daxili işlər naziri vəzifəsindən azad edilsin” -deyə sərəncamda qeyd edilir.
Xatırladaq ki, R.Usubov 1994-cü ildə Azərbaycan Prezidenti Heydər Əliyevin imzaladığı Sərəncam ilə daxili işlər naziri vəzifəsinə təyin edilmişdi.
Digər sərəncamla Ramil Usubov Azərbaycan Respublikasının Prezidenti yanında Təhlukəsizlik Şurasının katibi təyin edilib.
