24 C
Baku
Thursday, April 18, 2024

Reuters: BVF Direktorlar Şurası Ukraynaya 15.6 milyard dollar kredit ayrılmasını təsdiqləyib

Beynəlxalq Valyuta Fondunun (BVF) Direktorlar Şurası Ukrayna üçün dörd il müddətinə 15,6 milyard dollar məbləğində kredit proqramını təsdiqləyib.

Bu barədə adı açıqlanmayan mənbəyə istinadən “Reuters” məlumat verib.

Bundan əvvəl Fond və Ukrayna hakimiyyət orqanları 48 ay müddətinə 15,6 milyard dollar məbləğində Genişləndirilmiş Kredit Mexanizmi (EFF) formatında kreditin verilməsinə dair işçi səviyyədə razılığa gəliblər.

Vəsaitlər Kiyevin bir sıra makroiqtisadi və maliyyə tədbirlərinə yönəldiləcək.

Kredit Ukrayna kvotasının 577%-ni təşkil edir. Məqsəd Kiyevin fiskal, xarici, qiymət və maliyyə sabitliyini qorumaq, tədricən iqtisadiyyatın bərpasına yönəlmiş siyasətlərin həyata keçirilməsini dəstəkləməkdir.

Fond gözləyir ki, kredit beynəlxalq donorlar və Ukraynanın tərəfdaşlarından sərfəli şərtlərlə genişmiqyaslı maliyyə cəlb etməyə kömək edəcək.

Son xəbərlər
Digər xəbərlər