25 C
Baku
Friday, July 19, 2024

“Revolut” kriptovalyuta ödənişlərini işə salır

Rusiyalı Nikolay Storonski və ukraynalı Vlad Yatsenko tərəfindən yaradılan “Revolut” rəqəmsal bankı müştərilərə bank kartı vasitəsilə gündəlik alış-verişlərini kriptovalyuta ilə ödəməyə imkan verəcək. Xidmət 1 noyabr 2022-ci ildə əlçatan olacaq.

Banker.az bu barədə “İnc.ru”ya istinadən xəbər verir.

“CoinDesk”ə görə, fintex startapı müştərilərə bank kartı vasitəsilə kriptovalyutalarla alış-veriş etmək imkanı verəcək, eyni zamanda xidmətə kriptoxərcləmə funksiyasını əlavə edəcək. Müştərilər məhdud müddət ərzində xərclədikləri bütün kriptovalyuta balansından 1% cashback alacaqlar.

“Revolut” 2015-ci ildə Böyük Britaniyada Nikolay Storonski və ukraynalı proqramçı Vlad Yatsenko tərəfindən təsis edilib. 2021-ci ilin iyul ayında “Revolut” 33 milyard dollar dəyərində investisiya turunda 800 milyon dollar cəlb edib. Bunun sayəsində şirkəti Böyük Britaniyada birinci, Avropada isə ikinci ən bahalı startapa çevrilib.

Nikolay Storonski Rusiyanın “Forbes” jurnalına görə 2022-ci ildə rus milyarderlərinin reytinqində 16-cı yeri tutur. Jurnal onun sərvətini 7.1 milyard dollar qiymətləndirir. O, 1984-cü ildə Moskva vilayətinin Dolqoprudnı şəhərində anadan olub.

Son xəbərlər
Digər xəbərlər