Şirkətin adı: Unibank KB
Yerləşmə: Bakı
Sektor: Bank/Risklərin idarə edilməsi
Vəzifə: Risklərin idarə edilməsi departamentinin Mütəxəssisi
Müqavilə şərtləri: Daimi
Bank haqqında
Unibank – Azərbaycanın 1992-ci ilin avqust ayında, ilkin olaraq MBank adı altında, təsis edilmiş ən iri özəl banklarından biridir. MBank ilə Azərbaycanın aparıcı banklarından biri olan PROMTEXBANK-ın birləşməsindən sonra, onun adı 2002-ci ilin oktyabr ayının 15-də Unibank-a dəyişdirilmişdir. 2003-cü ildə Bankın kapitalına Avropa Yenidənqurma və İnkişaf Bankı, 2005-ci ildə isə DEG – Alman sərmayə korporasiyası qoşulmuşlar.
Müştəri yönümlü bank olaraq biz, müxtəlif regionlarda müştərilərin tələbatını nəzərə alırıq və qlobal xarakter daşıyan, eyni zamanda lokal bazarlar üçün adaptasiya olunmuş məhsullar və xidmətlər təqdim edirik. Bu zaman biz yüksək etik standartlara və sosial məsuliyyət prinsipinə ciddi riayət edirik. Təsadüfi deyil ki, bugün Unibank maliyyə bazarında layiqli nüfuz əldə etmişidir.
Fəaliyyətimizin başlıca prioriteti kimi müştərilərin tələblərinə xüsusi diqqət ayırmaqla bərabər, biz həmçinin əməkdaşlarımızın qayğısına qalırıq, çünki onlar strategiyamızın müvəffəqiyyətlə həyata keçirilməsində aparıcı rol oynayırlar. Məhz buna görə də, bir İşəgötürən kimi bizim üçün sosial dəyərlər işə götürmə zamanı olduqca mühüm amildir. Bizim baza dəyərlərimizə (birlik, açıqlıq, etibarlılıq) müvafiq olaraq, biz cari və gələcək biznes-məqsədlərin həyata keçirilməsi üçün əməkdaşlarımızın, inkişafını təmin etməyə çalışırıq. İnkişaf strategiyasının həyata keçirilməsi məqsədilə, Unibank, bankın imici və təqdim edilən məhsullar və xidmətlərin keyfiyyəti üçün məsuliyyəti dərk edən loyal əməkdaşlar axtarışındadır.
Başlıca öhdəliklər və məsuliyyətlər
• Kredit, Bazar, Likvidlik risklərinin müəyyənləşdirilməsində iştirak etmək;
• Rİsklərin kəmiyyət və keyfiyyət qiymətləndirmələrini aparmaq;
• PD, LGD, VaR, ES hesablamalarını həyata keçirmək.
• Müxtəlif risk faktorları üzrə ssenari qiymətləndirmələri və həssaslıq testlərini aparmaq;
• Risk modellərini qurmaq və yeniləmək;
• Risk iştahasının qurulması proyektində iştirak etmək.
Namizədin Profili
• Riyaziyyat, İqtisadiyyat və ya Biznesin idarəedilməsi üzrə ali təhsil (xaricdə təhsil almış namizədlərə və ya FRM və PRM sertifikat imtahanlarından müvəffəqiyyətlə keçmiş namizədlərə üstünlük veriləcək);
• Yaş həddi 22 – 28;
• Rus və İngilis dilləri üzrə yüksək biliklər;
• Yüksək səviyyədə Microsoft office proqramları üzrə biliklər;
• Statistika və Ekonometrika sahələri üzrə biliklər;
• IT resurları üzrə biliklərə sahib olmaq arzuolunandır (SQL, VBA, statistik proqramlar);
• Analitik düşünmə və riyazi hesablama qabiliyyəti;
• Yeni nəzəri və praktiki bilikləri mənimsəmək qabiliyyəti.
Göstərilən tələblərə cavab verən namizədlər öz CV-lərini şəkil ilə 13.02.2017-ci il tarixinədək [email protected] elektron ünvanına göndərə bilərlər.
Müraciət etdiyiniz vəzifənin adını email-ın mövzu hissəsində (Risklərin idarə edilməsi departamentinin Mütəxəssisi) göstərməyiniz xahiş olunur.
