Futbolçu Kriştiano Ronaldo tarixdə sosial şəbəkələrdə 1 milyard izləyiciyə çatan ilk istifadəçi olub, Banker.az bu barədə Vedomosti-yə istinadən xəbər verir.
“Biz tarix yazdıq – 1 milyard izləyici! Bu, sadəcə bir rəqəm deyil – bu, oyuna və onun hüdudlarından kənara bizim ümumi ehtirasımızın, məqsədyönlüyümüzün və sevgimizin sübutudur. Madeyra küçələrindən tutmuş dünyanın ən böyük səhnələrinə qədər mən həmişə ailəm və sizin üçün oynamışam, indi isə 1 milyard birlikdəyik”, – deyə futbolçu yazıb.
Ronaldo tamaşaçılara ona inandıqlarına və həyatının müxtəlif mərhələlərində dəstəklədikləri üçün təşəkkür edib.
Ronaldonun 40 yaşı 2025-ci ilin fevralında tamam olacaq. O, beşqat “Qızıl top”un qalibidir.
