16 C
Baku
Thursday, March 28, 2024

Rusiya Gürcüstan şərablarının idxalına da qadağa qoyur

Gürcüstandan Rusiyaya ixrac edilmiş spirtli məhsullarının yoxlanılması, keyfiyyətin aşağı olduğunu göstərir. Banker.az RBK-ya istinadən xəbər verir ki, bu haqda Rusiyanın “Rospotrebnadzor” federal xidməti məlumat verib.

“Rospotrebnadzor Rusiyaya gələn Gürcüstanın şərabları üzərində nəzarətin gücləndirib”, – bəyanatda deyilir.

Nazirliyin məlumatına görə, yalnız 2018-ci ildə ümumi həcmi 203 min litrə yaxın olan alkoqollu məhsullar Rusiya ərazisinə buraxılmayıb.

Yeni qərar Rusiya prezidenti Vladimir Putinin “Rusiya Federasiyasının milli təhlükəsizliyinin təmin edilməsi tədbirləri və Rusiya Federasiyası vətəndaşlarının cinayətkarlıq və digər qeyri-qanuni fəaliyyətlərdən qorunması” sərəncamı fonunda qəbul edilib. Xatırladaq ki, 8 iyuldan etibarən Rusiya aviaşirkətlərinə Gürcüstana uçuşları həyata keçirmək qadağan edilmişdir.

Gürcüstan və Rusiya arasındakı münasibətlərin pisləşməsi Rusiya Dövlət Duması millət vəkili və Parlamentlərarası Pravoslav assambleyanın sədri Sergey Qavrilovun iştirakı ilə baş verən hadisədən sonra başlayan bu ölkədə etiraz aksiyaları ilə bağlı olub.

 

Son xəbərlər
Digər xəbərlər