Rubl “Biq Mak indeksi” üzrə dünyada ən az qiymətləndirilən valyuta olub – onun məzənnəsi bir dollara görə təxminən 23 rubl təşkil edib.
Banker.az xəbər verir ki, hazırda ABŞ-da “Biq Mak”ın qiyməti 5.81 dollar (təxminən 444 rubl), Rusiyada isə 135 rubl və ya 1.77 dollardır. Belə ki, Rusiya valyutasının ədədli məzənnəsi 1 dollar üçün 23.24 rubl olmalıdır, yəni təxminən 70% ucuzlaşma olub.
Bu dəfə sondan ikinci yeri 67.9% aşağı qiymətləndirilən türk lirəsi tutub. Avro 14.7%, Britaniya funtu isə 17.1% ucuzlaşıb. Yüksək qiymətləndirilən valyutalar arasında İsveçrə frankı (20.2%) və Norveç kronu (10%) yer alıb. Ötən ilin yanvar və iyul aylarının reytinqində İsveç kronu da onların arasında olub.
“Biq Mak indeksi” 1986-cı ildən hesablanır və ildə iki dəfə dərc olunur. Göstərici valyutanın alıcılıq qabiliyyəti pariteti nəzəriyyəsinə əsaslanır, bu nəzəriyyə uzunmüddətli perspektivdə valyuta məzənnəsinin müxtəlif ölkələrdə mal və xidmətlər səbətinin dəyərini bərabərləşdirməli olduğunu nəzərdə tutur.
Əsas qiymətləndirmə meyarı kimi müxtəlif ölkələrdə “McDonald’s” burgerinin qiyməti götürülür. Qiymətin ABŞ-da yüksək olduğu halda, valyuta olduğundan yüksək qiymətləndirilmiş hesab olunur, aşağı olduğu halda isə əksinə.
