2021-ci ildə Rusiyada influenser-marketinq bazarının həcmi 15 mlrd rubl. olmuşdu. Lakin Rusiyanın Ukraynaya müdaxiləsindən sonra Qərb brendləri ölkəni tərk etdi, “Instagram” qadağan edildi və influenserlərin gəlirləri kəskin azaldı. Buna görə də bir çoxu auditoriyasını “Telegram”a köçürərək itkiləri kompensasiya ediblər.
Banker.az xəbər verir ki, bununla bağlı “Bloomberg” yazır.
Durov qardaşlarının yaratdığı “Telegram” Rusiyada ən populyar platformalardan birinə çevrilib. 2022-ci ilin mayından kanal sayı 1,4 milyona çatdı. Platforma “YooMoney” və “Mir” kartları kimi Rusiya ödəniş sistemləri vasitəsilə gəlir qazanmağa imkan verir.
“Telegram”da reklam qiymətləri artıb. Mikroinfluenselər bir paylaşıma görə 300–1000 dollar, iri hesablar isə 5000 dollara qədər qazana bilir. Sanksiyalara baxmayaraq, bir çox xarici məhsullar rus platformaları vasitəsilə tanıdılırdı.
İnfluenser-marketinq bazarı böyüməyə davam edir. 2024-cü ildə həcmi 684.07 mln. ABŞ dollarından (55 mlrd rubl) çox olub.
Lakin gələcək qeyri-müəyyəndir: sentyabrdan etibarən “Instagram”da reklam qadağan edilir, hakimiyyət “VK Max”ı təbliğ edir və “Telegram” ilə “WhatsApp”a məhdudiyyətlər güclənə bilər. Bu isə rus platformaları üçün boşluq yarada bilər.
