Rusiya Avropa İttifaqına taxıl tədarükünü demək olar ki, dayandırıb. Tədarükün azalması iyul ayında rüsumların artırılması ilə əlaqəli olub. Belə ki, iyulda aylıq ifadədə ixrac 4 dəfə azalaraq, avqustda 3.7 milyon avroya düşüb.
İyulun 1-dən Aİ Rusiya və Belarusdan taxıl, yağlı bitkilər və onların məhsullarının idxalına əlavə rüsumlar tətbiq edib. Rüsumun məbləği Aİ-yə idxal olunan məhsulun 1 tonu üçün 95 avroya çatır ki, bu da Avropa bazarında buğdanın dəyərinin təxminən 50%-nə bərabərdir.
Rusiya taxılının iyul-noyabr aylarında xaricə ixracının yüksək templəri və məhsuldarlığın azalması 2025-ci ildə ixrac kvotasının üç dəfə azalmasına səbəb ola bilər. Mütəxəssislərin fikrincə, dünya bazarında belə bir tədbir buğdanın qiymətinin artmasına gətirib çıxaracaq.
