Rusiyadan Avropaya neft və qaz ixracının 2040-cı ilədək azalacağı gözlənilir.
Bunu Rusiyanın “Lukoil” şirkətinin strateji inkişaf üzrə vitse-prezidenti Leonid Fedun deyib.
“Bu, qaçılmazdır (Rusiyadan Avropaya neft ixracının azaldılması – red.). Avropanın neft bazarı azalacaq, Avropa İttifaqının proqnozuna görə, 2040-cı ilədək bazar iki dəfə kiçilə bilər”, – deyə L. Fedun bildirib.
Bununla yanaşı, şirkətin rəsmisi Rusiyadan Avropaya qaz ixracının da azalacağını qeyd edib: “Azalma olacaq, lakin qazın qiyməti aşağı olduğu dövr elə də güclü olmayacaq”.
