12 C
Baku
Çərşənbə, Oktyabr 27, 2021

Rusiya Bankı qızıl ehtiyatlarını 2 300 tona çatdırıb

2020-ci ildə Rusiya Bankı (Mərkəzi Bankı) qızıl ehtiyatlarını 0,9 milyon unsiya (təxminən 28 ton) və yaxud 1,2% artıraraq 73,9 milyon unsiyaya (2 300 ton) çatdırıb.

Bu barədə Rusiya mətbuatına istinadən xəbər verilir.

Xatırladaq ki, 2019-cu ildə qurumun qızıl ehtiyatlarında artım 5,1 milyon unsiya (təxminən 159 ton) təşkil etmişdi. Başqa sözlə, ötən il artım tempi 5,7 dəfə azalıb.

Bu il yanvarın 1-nə Rusiya Bankının qızıl ehtiyatlarının dəyəri 138,75 milyard ABŞ dolları təşkil edib. Bu isə ölkənin qızıl-valyuta ehtiyatlarının dəyərinin 23,3%-i deməkdir və ötən il yanvarın 1-i ilə müqayisədə 25,7% çoxdur. Artım dünya bazarında qızılın bahalaşması hesabına baş verib.

Xatırladaq ki, Rusiya Bankı 2014-cü ildən bəri aktiv şəkildə qızıl alır, son 7 ildə qızıl ehtiyatlarını 2 dəfədən çox artırıb və bu baxımdan dünyanın mərkəzi bankları arasında liderdir.

Tənzimləyici qurum qızıl ehtiyatlarınındakı artımın təxminən yarısını yerli istehsalın hesabına təmin edir, ölkənin ən böyük qızıl istehlakçısıdır.

Son xəbərlər
Oxşar xəbərlər