Bu ilin nəticələrinə görə, Rusiyada neft və qaz kondensatı hasilatı ötən ilin göstəricisi ilə müqayisədə 0,8% artaraq 517 mln. tona çatacaq.
Bunu Rusiyanın energetika naziri Nikolay Şulqinov deyib.
Onun sözlərinə görə, 2021-ci ildə ölkədə 777 mlrd. kubmetr təbii qaz hasil ediləcək ki, bu da illik müqayisədə 12% çoxdur.
“2021-ci ildə koronavirus dalğalarına baxmayaraq, həm dünya iqtisadiyyatında, həm də daxili iqtisadiyyatda canlanma müşahidə olunur. Bunu yanacaq-energetika kompleksində istehsal göstəricilərinin artımında da müşahidə etmək olar”, – nazir qeyd edib.
