Rusiya hökuməti ölkədən mineral gübrələrin ixracı üçün kvotaları 2024-cü il mayın 31-dək uzadıb. Qərar baş nazir Mixail Mişustin tərəfindən imzalanıb, sənəd TASS agentliyinə təqdim olunub.
Qərar daxili bazarda kifayət qədər miqdarda gübrə saxlamaq məqsədi daşıyır. Ümumi ixrac kvotası təxminən 17 milyon ton, o cümlədən azot gübrələri üzrə 9.8 milyon ton, kompleks gübrələr üzrə isə 7.1 milyon tondan çox olacaq.
Kvotalar Abxaziya və Cənubi Osetiyaya gübrələrin tədarükünə şamil edilməyəcək.
Nazirlər Kabineti 2023-cü il iyunun 1-dən noyabrın 30-dək qüvvədə olan qeyri-tarif məhdudiyyətlərinin müəyyən edildiyi bu ilin may ayında analoji tədbirlər görüb və onların həcmi 16.3 milyon ton təşkil edib.
