2 C
Baku
Cümə, Dekabr 3, 2021

Rusiya Mərkəzi Bankı bankların mağazalarda hissəli ödəniş imkanlarını məhdudlaşdırır

Rusiya Mərkəzi Bankı bankların mağazalarda hissəli ödəniş imkanlarını məhdudlaşdırdığını açıqlayıb. Banker.az xəbər verir ki, tənzimləyici Rusiya banklarının istehlak krediti haqqında qanunu pozmasını aşkar edib.

Mərkəzi Bank izah edir ki, bir neçə yoxlanış zamanı ticarət və xidmət müəssisələrinin müştərilərə hissəli ödəniş xidmətini təklif etdiyi, sonra isə borcun qaytarılması tələb etmək hüququnu peşəkar kreditorlara verdiyi müəyyən edilib. Mərkəzi Bankın mətbuat xidməti kredit təşkilatlarını bu cür sxemləri təşviq etməməyə çağırıb.

Xatırladaq ki, taksit planı (hissəli ödəniş xidməti) istehlak kreditinə bənzəyir, lakin formal olaraq “İstehlak krediti haqqında” qanunun əhatə dairəsinə daxil deyil. Məsələn, borcalanların məlumatlandırılması qaydaları və cərimələrin məbləğinə məhdudiyyətlər taksit planına şamil edilmir. Mərkəzi Bank bildirib ki, hissəli ödəniş xidmətini təklif edən satıcılardan və operatorlardan kredit bürolarına məlumat ötürmək tələb olunmur.

“Tənzimləyici istehlak krediti qanunvericiliyindən yayınma əlamətləri müşahidə edildiyindən, kreditorlara bu cür təcrübələrdə iştirakdan çəkinməyi tövsiyə edib”, – deyə Rusiya Bankı bildirib.

Reytinq agentliyinin mütəxəssislərinə görə, Rusiya Bankı yazılı xəbərdarlıqla kifayətlənməyəcək və bu boşluqları necə aradan qaldıracağı barədə düşünəcək. “Reqlamentin dəyişdirilməsi ilə bağlı təkliflər hazırda müzakirə olunur”, – tənzimləyici qeyd edib.

Xatırladaq ki, daha əvvəl Mərkəzi Bank rusların kriptovalyutalara investisiya qoymasını potensial problem hesab etdiyini açıqlayıb. Maliyyə sabitliyi departamentinin rəhbəri bildirib ki, tənzimləyici bazar iştirakçıları arasında sorğuya başlayıb. Onun nəticələri bitkoinə və digər rəqəmsal valyutalara Rusiya investisiyalarının həcmini qiymətləndirməyə kömək etməlidir.

Son xəbərlər
Oxşar xəbərlər
X