Rusiya Mərkəzi Bankı Qazaxıstan və Ermənistana sürətli pul köçürmələri üzərində işləyir, Banker.az bu barədə “TASS”a istinadən xəbər verir.
Qeyd olunduğu kimi, hazırda Milli Ödəniş Kart Sisteminin kredit təşkilatları və xarici sistemlərlə qarşılıqlı əlaqəsi sınaqdan keçirilir. Bununla belə, qəzetin digər həmsöhbətinin sözlərinə görə, Ermənistan və Qazaxıstana transsərhəd köçürmələrin genişləndirilməsi prosesi hələki yalnız danışıqlar mərhələsindədir.
Mərkəzi Bank bildirib ki, layihə 2022-ci ilin sonunda işə düşəcək. Mənbələrə görə, ilk növbədə Belarusa sürətli pul köçürmələri sınaqdan keçiriləcək.
