“Rusiya sağlam düşüncəyə zidd hərəkət etməyəcək. Neftin qiymətini məhdudlaşdıran ölkələrə enerji resurslarımızı verməyəcəyik”.
Bunu Rusiya Prezidenti Vladimir Putin “Rusiya Enerji Həftəsi”ndə çıxışında bildirib.
“Əgər siz Rusiyadan və ya digər ölkələrdən neftin qiymətini məhdudlaşdırsanız, bu, istər-istəməz bütün enerji sektorunda investisiya mühitini aşağı salacaq. Bunun ardınca enerji resurslarının qıtlığı gələcək. Yaşıl gündəliyin aqressiv təşviqi səbəbindən qlobal neft və qaz sektoruna artıq kifayət qədər sərmayə qoyulmur. Avropa İttifaqı və ABŞ iyirmi aparıcı neft istehsalçısına qarşı sanksiyalar tətbiq edib. Tutaq ki, neftin qiyməti ilə bağlı tavan müəyyən edilib. Bəs tavanın digər sənaye sahələrində tətbiq olunmayacağına zəmanət haradadır? Heç kim belə bir zəmanət verməyəcək. Qərbin ənənələri məhv etmək tarixi var və indi o, azad sahibkarlığı məhv etməklə hədələyir”, deyə Rusiya Prezidenti vurğulayıb.
Putin Ukraynadakı müharibənin başlamasına iki il qalmış neft hasilatı göstəricilərinin son 15 ildə ən aşağı səviyyəyə düşdüyünü də qeyd edib.
