Son 2 ildə Rusiyada banklara qarşı loyal münasibətdə olan, onların xidmətindən istifadə etməyi yaxınlarına məsləhət görən vətəndaşların xüsusi çəkisi 58%-dən 38%-ə düşüb.
Rusiya mətbuatına istinadən xəbər verilir ki, bu barədə qonşu ölkənin Maliyyə Araşdırmaları üzrə Mill Agentliyi məlumat yayıb.
Qurum bəyan edib ki, bankları tənqid edən insanların sayı artmaqdadır. Hesabat dövründə bankından narazı olan və alternativ bank axtarışında olan insanların xüsusi çəkisi 18%-dən 24%-ə yüksəlib.
Agentlik bu ilin fevral ayında Rusiyanın 42 bölgəsindən 140 yerdə 1 600 nəfər arasında sorğu keçirib. Rəyi soruşulanları 86%-i bank müştərisi olduğunu bildirib. Yaşı 34-53 arasında dəyişənlərin 35%-ni bankın təqdir, 28%-i isə tənqid edib. Bu göstəricilər yaşı 55-dən çox olan bank müştəriləri arasında müvafiq olaraq 41% və 21% təşkil edib.
©Report
