2021-ci ildə Rusiya Federasiyasının MDB ölkələrinə pulköçürmə sistemləri vasitəsilə fiziki şəxslərin köçürmələrinin həcmi 2020-ci illə müqayisədə 22,3% artaraq 6,2 mlrd. ABŞ dollarından 7,6 mlrd. dollara çatıb. Bu, son altı il ərzində qeydə alınan maksimum göstəricidir.
Bu barədə Rusiya Mərkəzi Bankının açıqlamasında deyilir.
Qeyd olunub ki, MDB ölkələrindən Rusiya Federasiyasına daxilolmaların həcmi eyni səviyyədə (1,4 mlrd. dollar) saxlanılmaqla, 2021-ci ildə Rusiya Federasiyasının fiziki şəxslərinin MDB ölkələri ilə apardığı əməliyyatların mənfi saldosu 29,5% artaraq 6,2 mlrd. dollara çatıb, bu da 2014-cü ildən bəri (15,1 mlrd. dollar) maksimum göstəricidir.
Eyni zamanda, 2021-ci ildə qeyri-MDB ölkələri ilə transfer əməliyyatlarının balansı artıq üçüncü ildir müsbət qalır. Xaricdən Rusiyaya daxilolmaların artması ilə Rusiyadan köçürmələr azalır. Nəticədə, 2014-cü ildə mənfi saldo (-1,6 mlrd. dollar) 2019-cu ildə müsbət olub (0,4 mlrd. dollar), 2020-ci ildə 32,3%, 2021-ci ildə isə daha 52,5% artaraq 0,8 mlrd. dollara çatıb.
