Rusiyanın ən varlı iş adamlarının ümumi sərvəti 2026-cı ilin əvvəlindən etibarən 4,82 milyard dollar artıb. Bu, şirkətlərin səhmlərinin dəyəri də daxil olmaqla müxtəlif göstəricilər əsasında hesablanan Bloomberg Billionaires Index məlumatlarında əks olunub.
Reytinqə əsasən, ilin əvvəlindən ən böyük sərvət artımı Aleksey Mordaşovda qeydə alınıb. Onun sərvəti 2,29 milyard dollar artaraq 28,6 milyard dollara çatıb.
Sonrakı yerlərdə Leonid Mixelson (+1,8 milyard dollar, 25,5 milyard dollara qədər), Andrey Melniçenko (+1,71 milyard dollar, 20,6 milyard dollara qədər), Qennadi Timçenko (+1,15 milyard dollar, 15,4 milyard dollara qədər) və İskander Maxmudov (+719 milyon dollar, 8,6 milyard dollara qədər) qərarlaşıblar.
Bundan əlavə, Mixail Fridmanın sərvəti 588 milyon dollar artaraq 10,7 milyard dollara, Suleyman Kərimovun sərvəti 583 milyon dollar artaraq 11 milyard dollara, Tatyana Kimin sərvəti isə 416 milyon dollar artaraq 8,3 milyard dollara yüksəlib.
Reytinqdə iştirak edən rusiyalılar arasında ən böyük sərvət itkisi Mixail Proxorovda qeydə alınıb. Onun sərvəti 5,46 milyard dollar azalaraq 11,1 milyard dollara düşüb.
Pavel Durovun sərvəti 2,21 milyard dollar azalaraq 12,2 milyard dollara, Vladimir Potaninin sərvəti isə 1,08 milyard dollar azalaraq 25,3 milyard dollara enib.
Bloomberg agentliyi Bloomberg Billionaires Index-ni 2012-ci ilin mart ayından dərc edir. İndeksə dünyanın ən varlı 500 insanının sərvəti haqqında məlumatlar daxildir.
