Rusiyanın Nijeqorod vilayətindən bütün növ diri quş, quş əti və damazlıq yumurtanın idxalına tətbiq edilən məhdudiyyət aradan qaldırılıb.
Banker.az xəbər verir ki, bu barədə Azərbaycan Respublikasının Qida Təhlükəsizliyi Agentliyi (AQTA) açıqlama yayıb.
Açıqlamada deyilir ki, Ümumdünya Heyvan Sağlamlığı Təşkilatının rəsmi məlumatına əsasən, Nijeqorod vilayətində Nyukasl xəstəliyi aradan qaldırılıb. “Quruda yaşayan heyvanların sağlamlıq Məcəlləsi”nə əsasən, xəstəliyin ləğv edilməsindən sonra gözləmə müddəti başa çatıb və qeyd olunan inzibati ərazi vahidinin bu xəstəlikdən epizootik sağlamlıq statusu bərpa olunub.
AQTA-dan verilən məlumata gör, müvafiq tədbirlərin görülməsi üçün Dövlət Gömrük Komitəsinə müraciət olunub.
