İrlandiyanın “Ryanair” loukost aviaşirkəti Gürcüstana müntəzəm uçuşlara başlayıb.
Aviaşirkətin Gürcüstana ilk uçuşu Milan-Tbilisi-Milan istiqamətində baş tutub. Şirkət bu istiqamətdə həftədə 4 dəfə uçuşlar həyata keçirəcək.
Noyabrın 9-da isə Marsel-Kutaisi-Marsel və Baloniya-Kutaisi-Baloniya istiqamətində uçuşlara start veriləcəyi bildirilib. Bu istiqamət üzrə isə uçuşlar həftədə 2 dəfə olmaqla müntəzəm qaydada həyata keçiriləcək.
Qeyd edək ki, “Ryanair”a Gürcüstan avia bazarına daxil olmaq üçün icazə cari ilin 24 oktyabr tarixində Gürcüstanın İqtisadiyyat və Davamlı İnkişaf Nazirliyi tərəfindən verilib.
©APA
