Sədr “Accessbank”ın mənfəət proqnozunu açıqlayıb

0
Anar Həsənov, "Accessbank" İdarə Heyəti Sədri. Press-konfrans zamanı, 14 mart 2019, Bakı

Azərbaycanda 100% xarici kapitallı “AccessBank” QSC 2020-ci ildə mənfəətə çıxmağı planlaşdırır.

Banker.az xəbər verir ki, bu barədə bankın İdarə Heyətinin sədri Anar Həsənov deyib.


Kredit müraciəti

Sizin müraciətiniz banka göndərildi.

“Biz 2019-cu ilin ikinci yarısında əməliyyat mənfəəti əldə etməyi planlaşdırırıq, ümumi mənfəətlilik isə 2020-ci ildə gözlənilir”, – deyə A.Həsənov bu gün keçirilən mətbuat konfransında bildirib.

Onun sözlərinə görə, nizamnamə kapitalının artırılması məcmu kapitalın artmasına gətirib çıxaracaq. “Nizamnamə kapitalı artırıldıqdan sonra əlavə ehtiyatlar yaratmağı planlaşdırırıq. Bu addımların nəticəsində bankın məcmu kapitalının minimum tələbi ötərək təxminən 70 mln. manat təşkil edəcəyinə əminik”, – deyə sədr qeyd edib.

“AccessBank” 2015-ci ildə manatın devalvasiyasına qədər ən mənfəətli banklardan biri olub. Lakin bank 2016-2018-ci illəri zərərlə başa vurub. Xüsusilə 2018-ci ildə bankın milli maliyyə hesabatı standartları üzrə zərəri 11,579 mln. manat təşkil edib.