Sərmayəçilər  IPO-dan sonra “Lyft” şirkətini məhkəməyə verdilər

0

17 aprel tarixində Amerikanın onlayn taksi xidməti olan “Lyft” şirkətinə, onun idarə heyətinə və maliyyə vasitəçilərinə qarşı iki kollektiv iddia açılıb.

Banker.az xəbər verir ki, Bloomberg-in verdiyi məlumata əsasən, iddia şirkətin qərargahının yerləşdiyi San-Fransisko məhkəməsində qaldırılıb. Sərmayəçilər qeyd edirlər ki, “Lyft” şirkəti IPO-dan sonra səhmlərin qiymətlərini artırıb, nəticədə sonrakı mərhələdə qiymətlərdə kəskin azalma baş verib.


Kredit müraciəti

Sizin müraciətiniz banka göndərildi.

Xatırladaq ki, “Lyft” IPO-nu mart ayının sonunda keçirib, yerləşdirmə zamanı səhmlərin qiyməti 72 dollar təşkil edib. Həmin dövrdən bəri, üç həftə ərzində səhmlərin qiyməti 17% azalaraq, 59,5 dollara çatıb. Sərmayəçilər şirkəti onlara yanlış məlumatlar verməsində ittiham edirlər.

Ötən həftə “Lyft” şirkətinin əsas rəqibi olan “Uber”, IPO-ya keçməsinə dair sorğu göndərib: o, Nyu-York şəhərinin fond birjasında may ayının əvvəlində keçməlidir.