17 C
Baku
Sunday, May 19, 2024

“Şərq-Qərb” ASC-nin Müşahidə Şurasının üzvləri və sədri təyin ediləcək

22 iyun 2024-cü il tarixdə, saat 11:00-da “Şərq-Qərb” Açıq Səhmdar Cəmiyyətinin səhmdarlarının növbəti ümumi yığıncağı keçiriləcəkdir.

Banker.az xəbər verir ki, yığıncağın gündəliyində aşağıdakı məsələlər durur:

1) ASC-nin 2023-cü il üzrə illik və maliyyə hesabatlarının təsdiq edilməsi;

2) ASC-nin Müşahidə Şurasının üzvlərinin və sədrinin növbəti müddətə təyin edilməsi;

3) ASC-nin müfəttişinin növbəti müddətə təyin edilməsi;

4) ASC-nin 2023-cü il üzrə mənfəət və zərərinin bölüşdürülməsi, dividend;

5) Digər cari məsələlər.

Yığıncaq ASC-nin Bakı şəhəri, Xətai rayonu, Aşıq Ələsgər küçəsi, 17 ünvanında yerləşən inzibati binasında keçiriləcəkdir.

“Şərq-Qərb” Açıq Səhmdar Cəmiyyəti 1986-cı ildən etibarən dövlət müəssisəsi olaraq 4 nömrəli Bakı kitab mətbəəsi kimi fəaliyyətə başlamışdır. 2001-ci ildə müəssisənin təşkilati-hüquqi forması dəyişdirilmiş və o, “Şərq-Qərb” Açıq Səhmdar Cəmiyyətinə (ASC) çevrilmişdir.

Əsas fəaliyyət növü nəşr və çap işləri olan “Şərq-Qərb” ASC-nin tərkibində Nəşriyyat Departamenti və Mətbəə fəaliyyət göstərir.

Son xəbərlər
 ⁠
Digər xəbərlər