Azərbaycandan xaricə səfər edən vətəndaşların sığortası üzrə daxilolmaları bu ilin yanvar-iyul aylarında 1 milyon 868 min manat olub.
Banker.az Mərkəzi Bankdan əldə etdiyi məlumata əsasən xəbər verir ki, illik müqayisədə sığorta yığımları 88% artıb. Belə ki, ötən ilin ilk yeddi ayında xaricə səfər edən vətəndaşların sığortası üzrə daxilolmalar 992 min manat təşkil etmişdir.
Xaricə səfər edən vətəndaşların sığortası ödənişlərinə gəlincə, cari ilin yanvar-avqust ayında bu rəqəm 102 min manat təşkil edib ki, bu, da illik müqayisədə 62% azdır. Qeyd edək ki, ötən ilin eyni aylarında bu sığorta növü üzrə ödənişlər 266 min manat təşkil edib.
