Bank olmayan kredit təşkilatı “ASET Maliyyə Texnologiyaları” MMC adını dəyişdirib.
Banker.az xəbər verir ki, təşkilat bundan sonra BOKT “Azərkredit” MC kimi fəaliyyət göstərəcək. Bir faktı qeyd edək ki, indiyə qədər bu adda lisenziyası ləğv edilmiş “Vijn Fond Azərkredit” BOKT MMC çıxış etmişdi.
Bundan əlavə, BOKT bundan sonra Bakı şəhəri, Suraxanı rayonu, Qaraçuxur ŞTQ, məhəllə 4042/4060, ev 2, mənzil 112 ünvanında qeydiyyatda olacaq. Buna qədər Bakı şəhəri, Səbail rayonu, Badamdar qəsəbəsi, Neftçılər küçəsi, ev 7, mənzil 30-da qeydiyyatda idi.
Hazırda BOKT təlbaşına icra orqanı – Vüqar Ismayılov Firudin oğlu rəhbərlik edir.
BOKT 2024-cü ili 511 min manat mənfəətlə başa vurub. Halbuki, BOKT 2023-cü ildən 40 min manat zərərlə çıxmışdı. Bu il yanvarın 1-nə “Aset Maliyyə Texnologiyaları”nın aktivləri 1.44 milyon manat olub ki, bu da illik müqayisədə 4.35 dəfə çoxdur. Bunun 736 min manatı müştərilərə verilmiş kreditlər təşkil edib. 2024-cü ildə BOKT-un kredit portfeli 4.9 dəfə böyüyüb.
Xatırladaq ki, “Aset Maliyyə Texnologiyaları” 2017-ci ildə yaradılıb. BOKT əsasən texnoloji sektoru və eləcə də FinTex-i maliyyələşdirməkdədir. Onun nizamnamə kapitalı 1 milyon 185 min manatdır. BOKT-un təsisçisi ötən il Ülviyyə Sadıqova Adil qızı olsa da, sonradan Elçin Bağırov Hüseyn oğlu olmuşdu. Bu ildən etibarən isə 100% payla Azərbaycan vətəndaşı Aygün Sərdarovadır.
