Dünya KİV-nin verdiyi məlumata görə, Səudiyyə Ərəbistanı sentyabr ayında Dubayın “qara qızıl” neft markasının qiymətinin enməsindən sonra noyabr ayında Asiya üçün neftin satış qiymətini endirəcək.
Bu da öz növbəsində Səudiyyə Ərəbistanına növbəti dəfə dünya neft bazarında öz payını qorumağa imkan verəcək. Bazar iştirakçıları krallıq tərəfindən ciddi qiymət endirimi gözləmirlər. Çünki bazardakı vəziyyət kiçik ixtisar ilə keçinməyə imkan verir.
Treyderlərin əksəriyyəti belə hesab edir ki, Səudiyyə Ərəbistanı neftin satış qiymətini 1 barrel üçün 1,5-2 dollara endirəcək.
