Səudiyyə Ərəbistanının maliyyə naziri Məhəmməd əl-Cedan Türkiyə Cümhuriyyəti Mərkəzi Bankına (TCMB) 5 milyard dollar köçürmə qərarı aldıqlarını açıqlayıb.
Banker.az xəbər verir ki, nazir bu barədə “Independent Türkçe”nin sualını cavablandırarkən danışıb:
“Türkiyəyə 5 milyard dollar göndərməyə qərar verdik. Artıq razılığa gəlmişik. Bir neçə gün ərzində yekun şərtlər və bəzi texniki hesablamalar barədə razılığa gələcəyik”.
5 milyard dolların bir neçə gün ərzində Türkiyəyə göndəriləcəyini bildirən əl-Cedan açıqlamasına bunları əlavə edib: “Türkiyə ilə çox yaxşı münasibətimiz var. Biz də bu əlaqələri daha da yaxşılaşdırmaq üçün çalışırıq. Türkiyədə investisiyalar baxımından da imkanlar axtarırıq”.
