Səudiyyə Ərəbistanında yeni qaz yataqları kəşf edilib.
Bu barədə Səudiyyə Ərəbistanının energetika naziri şahzadə Əbdüləziz bin Salman bildirib. O qeyd edib ki, əvvəllər kəşf edilmiş yataqlardakı beş layda da təbii qaz aşkar edilib.
Agentliyin məlumatına görə, Krallığın Şərq əyalətindəki yataqlarda da başqa qaz ehtiyatları aşkar olunub. Əl-Hiran təbii qaz yatağının kəşfi bu ərazidəki Hənifə anbarından qaz axdıqdan sonra təsdiqlənib. Burada 1 quyu, 30 Milyon standart kub fut (MMSCF) və gündəlik 1600 Barrel Kondensat (BCPD) və Əl-Arab ərazisindəki eyni yataqda 3,1 MMSCF dərəcəsi ilə təbii qaz tapılıb.
Digər tərəfdən, Əl-Mahakik təbii qaz yatağının kəşfi də (2 quyudan 0,85 MMSCF dərəcəsi ilə qaz ehtiyatı) təsdiqlənib. Bundan başqa, əvvəllər kəşf edilmiş yataqlarda beş layda da təbii qaz aşkar edilib. Boş ərazilərdə Usaykerək yatağındakı Cəllah anbarında qaz 46 MMSCF sürətlə axdıqdan və Haradhın qərbində, Şadun yatağında əlavə təbii qaz ehtiyatları aşkar edildikdən sonra 15,5 MMSCF nisbətində, təxminən 460 BCPD ilə qaz kəşf edilib.
Təbii qaz, həmçinin Dhahranın cənub-qərbindəki Mazalic yatağındakı Unayzah quyularında və Əl-Vadhihi yatağında, Əl-Qusaibahdakı Əl-Sarah quyusunda, Hofuf şəhərinin cənub-qərbindəki Autad yatağında da kəşf edilib.
