Səudiyyə Ərəbistanının vəliəhd şahzadəsi Məhəmməd bin Salman “Credit Suisse”in yeni bölməsinə təxminən 500 milyon dollar sərmayə qoymağı düşünür, bu barədə “The Wall Street Journal” yazır.
Daha əvvəl bildirilmişdi ki, İsveçrə bankı konsaltinq və investisiya bizneslərini ayrı-ayrı şirkətlərə ayırmaq niyyətindədir. Eyni zamanda, ilk növbədə, “Credit Suisse”in baş direktoru Ulrix Kerner son illərdə bir sıra qalmaqallarla bağlı olan və böyük itkilərə məruz qalan investisiya bankçılığı bölməsini təcrid etmək niyyətindədir.
Bunun üçün bank şirkətə 1990-cı ildə “Credit Suisse” tərəfindən satın alınana qədər təxminən 60 il mövcud olmuş “First Boston” brendini canlandırmaq niyyətindədir. Onun adı 2006-cı ildə İsveçrə bankının ABŞ biznesinin adından itib.
“Credit Suisse” daha əvvəl adı açıqlanmayan investordan 500 milyon dollar cəlb etdiyini bildirsə də, mənbələr bunun Məhəmməd bin Salmanla bağlı olmadığını deyir. Qəzet mənbələri bildirirlər ki, İsveçrə bankı hələ Səudiyyə investorlarından rəsmi təklif almayıb.
